Gazeta Si – Pas një kohe shumë të gjatë, Teuta është kthyer në stadiumin e saj “Niko Dovana”, pas rikonstruksionit që i është bërë këtij impianti dhe fushës së re. Për muaj të tërë Teuta ka luajtur si pritëse në Elbasan, Rrogozhinë e deri në Shkodër, ndërsa tani kthehet në shtëpinë e saj.
Inaugurimi i fushës së re u bë sot ndaj Laçit, në ndeshjen e vlefshme për gjysmëfinalen e parë të Kupës së Shqipërisë, ku durrsakët humbën 1-2. Laçi shënoi që në fillim me Ujkën dhe më pas me Akiniemi. Vetëm në shtesë Teuta shkurtoi diferencën në 1-2 me Todorovskin, duke mbajtur gjallë shpresat për ndeshjen e kthimit.
Gjysmëfinalja e dytë e Kupës së Shqipërisë është ajo mes Partizanit dhe Vllaznisë, që zhvillohet ditën e enjte. Më e rëndësishme kjo ndeshje është për të kuqtë, të cilët me Kupën mund të shpëtojnë sezonin, duke qenë se në kampionat janë shumë prapa me pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
