Teuta ka arritur të triumfojë në finalen e Kupës së Shqipërisë, duke mundur 2-0 kampionët e saposhpallur, Tiranën e Egbo.
Durrsakët kanë shënuar që në tunel me Hoxhën. Qendërmbrojtësi shënoi që në minutën e dytë me një goditje të saktë me kokë.
Ekipi i drejtuar nga Martinit u fut në fushë më i karikuar, edhe pse bardheblutë patën rastet e tyre për të barazuar ndeshjen me Ngo dhe Torasën.
Goli i Lorenco Vilës në minutën e 79-të, i vuri vulën kësaj fitoreje të merituar të durrsakëve. Për ekipin bregdetar është triumfi i shtatë në histori, teksa kishin plot 15 vite që nuk e “preknin” këtë trofe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
