Agjencia Spanjolle për Barna dhe Produkte Shëndetësore është njoftuar nga autoritetet portugeze për qarkullimin e testeve të falsifikuara që kombinojnë zbulimin e koronavirusit dhe gripit A+B.
Produkti origjinal është prodhuar nga Safecare Biotech, në Kinë, por njësitë e zbuluara mbajnë numrin e serisë FCO24090516, të cilin kompania e ka deklaruar si të falsifikuar.
Edhe pse agjencia ka nisur një hetim për të gjurmuar shpërndarjen në Spanjë, deri më tani nuk ka prova që këto njësi kanë arritur në farmaci ose shpërndarës në vend.
Ekzistojnë versione legjitime të të njëjtit test me të njëjtën referencë (FCO-6032), gjë që e ndërlikon identifikimin e menjëhershëm vizual.
Testet e falsifikuara, të shpërndarë në të gjithë Europën, kanë tre ndryshime të dukshme. Së pari, ato kanë një etiketë të ngjitur me informacion të modifikuar: seria FCO24090516, data e prodhimit shtator 2024 dhe data e skadimit shtator 2026.
Së dyti, testit dhe tubit me tretësirën nxjerrëse u mungon numri i lotit dhe datat. Së treti, tamponi nuk është ai i prodhuesit legjitim, i cili bashkëpunon me Dalian Rongbang Medical (Lotus NL është përfaqësuesi i saj europian).
Autoritetet këmbëngulin që këto produkte duhet të blihen vetëm nga farmacitë. Përndryshe, nuk ka garanci për origjinën, kushtet e ruajtjes ose këshilla profesionale. Nëse dikush ka një test të tillë në shtëpi, këshilla është e qartë: mos e përdorni.
Falsifikimi i pajisjeve mjekësore nuk është një problem i vogël apsi një rezultat i gabuar mund të çojë në infeksione të pazbuluara ose trajtim të panevojshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
