Gazeta Si – Një tërmet me magnitudë 4.4 ballë të shkallës Rihter është regjistruar rreth orës 2.43 minuta të mëngjesit të së enjtes në Korçë.
Epiqendra e tërmetit ka qenë në fshatin Mollas në Korçë dhe magintuda më e madhe ka qenë 4.4 ballë.
Lëkundjet janë ndier gjatë natës dhe kanë vijuar deri në orët e para të mëngjesit. Sipas IGJEUM janë ndjerë mbi 20 pas lëkundje.
Sipas raportimeve nga bashkitë e Korçës dhe Ersekës nuk ka dëme materiale, por mësohet se njerëzit kanë dalë në rrugë nga frika e lëkundjeve të vzhdueshme.
Një tërmet është regjistruar edhe në Janinë të Greqisë rreth orës 4 të mëngjesit të sotëm, ku lëkundjet janë ndjerë edhe në jug të Shqipërisë.
Ndërsa në Greqi, epiqendra e tërmetit ishte 15 kilometra në veri-veriperëndim të Aetomylitsa pranë Janinës dhe thellësia fokale u vlerësua në 13.1 kilometra, sipas Institutit Gjeodinamik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
