Gazeta Si – Një 16-vjeçar në Tepelenë, ka plagosur aksidentalisht një shokun e tij bashkëmoshatar me armën e shërbimit të babait të tij punonjës policie.
Policia tha se rreth orës 10:20 këtë të enjte, ka shkuar në spital për të marrë ndihmë mjekësore, shtetasi O. V., 16 vjeç, banues në Tepelenë.
Ky i fundit ndodhej në banesën e shokut të tij, shtetasit E.Gj., 16 vjeç, dhe dyshohet se aksidentalisht është plagosur në këmbë prej tij me armën e shërbimit të shtetasit T.GJ., punonjës policie në Gjirokastër (babai i shtetasit E. Gj.).
Pas incidentit, 16-vjeçari i plagosur O.V., është dërguar në spital për ndihmë mjekësore dhe nuk ka rrezik për jetën.
Drejtori i Drejtorisë Vendore të Policisë Gjirokastër ka pezulluar nga detyra, punonjësin e policisë, inspektor T.Gj.
Drejtoria e Standardeve Profesionale në Drejtorinë e Përgjithshme të Policisë së Shtetit, ka nisur ndaj tij, hetimin disiplinor. Gjithashtu, AMP ka nisur hetimin administrativo-penal për këtë rast.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
