.png)
Gazeta Si – Një çift bashkëshortësh është proceduar penalisht, pasi fshehën në automjetin e tyre “Audi Q7” mbi 25 mjië paund me qëllim mosdeklarimin e tyre në kufi.
Shërbimet e Policisë Kufitare në Bllatë, në bashkëpunim dhe me autoritetet doganore, gjatë kontrolleve me qëllim parandalimin, evidentimin dhe goditjen e trafikimit të shumave monetare, lëndëve narkotike, armëve të zjarrit, kanë kaluar në vijën e dytë për kontroll më të imtësishëm, “Audi Q7-ën” me drejtues shtetasin E.P..”
Si rezultat kontrolleve të shtuara në këtë automjet, shërbimet policore gjetën në çantat personale të shtetasve E.P., dhe B.S., 25 070 paund, të padeklaruara konform ligjeve në fuqi.
Shuma e parave u sekuestrua në cilësinë e provës materiale. Në përfundim të veprimeve procedurale për këtë rast, strukturat hetimore të DVP Dibër, referuan materialet në Prokurori dhe nisi procedimi në gjendje të lirë për shtetasit E.P., 30 vjeç, dhe B.S., 30 vjeçe, banues në Britaninë e Madhe, për veprën penale “Mosdeklarimi në kufi i të hollave dhe i sendeve me vlerë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
