.png)
Gazeta Si – Një 32 vjeçar i shpallur në kërkim nga policia e Shkodrës, u arrestua në zonën e Freskut në Tiranë, pasi më 16 janar të këtij viti kishte tentuar të vrsite një 21 vjeçar pas një konflikti banal që kishin patur.
Autori me rrezikshmëri të lartë, Eduard Kësolla, u arrestua nga oficerët e forcave Operacionale në mes të rrugës, teksa ishte pasagjer në një automjet tip “Audi”. Gjithashtu u arrestua edhe shoferi Elvis Koçeku, 27 vjeç nën dyshimin për përkrahjen e autorit.
Policia thotë se gjatë operacionit të koduar “Operacionalja 89”, u arrestua në Tiranë E.K., 32 vjeç, banues në fshatin Grudë e Re, Shkodër.
Ai dyshohet për veprat penale “Vrasja në rrethana të tjera cilësuese” mbetur në tentativë, “Prishja e qetësisë publike” dhe “Mbajtja pa leje e armëve dhe municionit”.
I riu akuzohet se më 16 janar 2026, në zonën e quajtur “Kryqëzimi i Vinotekës” në Shkodër, tentoi të vriste me armë zjarri A. M., 21 vjeç, gjatë një konflikti për motive të dobëta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje