Gazeta Si – Një 34-vjeçar, i cili tentoi të vriste fqinjin e tij në Elbasan, duke e goditur me automjet dhe me levë, për shkak të një konflikti për motive pronësie, është arrestuar.
Policia tha se shtetasi G.M., banues në fshatin Shushicë, u kap në Kapshticë, në tentativë për t’u larguar nga vendi. Të dyshuarit iu sekuestrua automjeti dhe mjeti i fortë (levë metalike) që u përdoren për kryerjen e këtij krimi.
Sipas policisë, dyshohet se ditën e djeshme, për shkak të një konflikti për motive pronësie, shtetasi G. M. ka goditur me automjet dhe me levë metalike, fqinjin e tij, shtetasin H. M., 57 vjeç, banues në fshatin Shushicë, Elbasan, i cili lëvizte me biçikletë. 57-vjeçari ndodhet në spital, në kujdesin e mjekëve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprën penale “Vrasja”, mbetur në tentativë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
