Gazeta Si – Ministria e Jashtme e Kosovës njoftoi mbrëmjen e së hënës bllokimin e kalimit në nga pikat kufitare të Jarinjës, Bërnjakut dhe Merdares në kufi me Serbinë.
Ajo thotë se shkak janë protestat që po mbahen në anën serbe dhe se nuk është i mundur as kalimi i autobusëve dhe kamionëve që udhëtojnë nga Kosova.
Në rrjetet sociale raportohet se shkak për bllokimin e qarkullimit janë bërë drejtuesit e kamionëve me targa serbe që nuk u lejuan të hyjnë në Kosovë dhe që tani kanë bllokuar të gjithë qarkullimin.
Ministria thotë se nuk është i sigurt për momentin as kalimi i veturave ndaj udhëtarët duhet të zgjedhin pika doganore të tjera për të kaluar kufirin.
Sakaq, sot në orën 15:00 nga Uashingtoni emisari amerikan, Gabriel Escobar dhe ai evropian, Miroslav Lajçak, do të mbajnë diskutim publik lidhur me rifillimin e dialogut Kosovë-Serbi, në kohën kur dialogu është një prej tri kërkesave të tyre kryesore për të dyja palët.
Në njoftimin e bërë nga Këshilli Atlantik thuhet se progresi i fundit në normalizimin e marrëdhënieve ndërmjet Serbisë dhe Kosovës përmes dialogut Beograd-Prishtinë të lehtësuar nga BE-ja kërcënohet nga përshkallëzimi i tensioneve në veri të Kosovës.
Ky diskutim do të ofrojë njohuri se si SHBA dhe BE synojnë të ndihmojnë në zbutjen e tensioneve dhe të gjejnë zgjidhje të mundshme që Serbia dhe Kosova të krijojnë marrëdhënie më të qëndrueshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
