Momente tensioni në “Camp Nou”. Rreth dyqind tifozë të Barcelonës u mblodhën në zonën e stadiumit pranë zyrave të klubit për të protestuar kundër lamtumirës së mundshme të idhullit të tyre Leo Messi: thirrje për argjentinasin dhe parulla kundër presidentit Bartomeu.
Sidoqoftë, një grup, duke përfituar nga kalimi i një kamioni, dolën të hyjnë në stadium, teksa personeli i sigurimit nuk qe në gjendje t’i parandalonte. U desh ndërhyrja e policisë që ta kthente situatën në normalitet.
Një episod që e mban Barcelona në gatishmëri maksimale, të vetëdijshëm se çfarë mund të shkaktojë lamtumira e Messit. Argjentinasi pritet të paraqitet ne zyrat e klubit të dielën e ardhshme, në mënyrë që të përcaktojë përfundimisht të ardhmen e tij.
Lamtumira po afrohet, por Koeman dhe drejtuesit shpresojnë të arrijnë ta bindin atë të qëndrojë vitin e ardhshëm, në mënyrë që të vazhdojë një histori magjike që filloi gati njëzet vjet më parë dhe plot me trofe. Messi ka rimuar gjithmonë me Barcelona: a do të jetë akoma kështu?
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
