.png)
Gjykata Ndërkombëtare e Arbitrazhit ka dënuar Telekomin e Kosovës në një proces gjyqësor të ngritur nga një operator vendas në fushën e telefonisë celulare.
Sipas vendimit të IÇ, kompania e zotëruar nga qeveria e Kosovës paragjykoi bisedimet me kompaninë private “Z-Mobile”, të zotëruar nga biznesmeni Blerim Devolli për rinovimin e një kontrate për ofrimin e shërbimit telefonik dhe internetit.
Në padinë e ngritur, Z-Mobile në 2019-n kërkoi rreth 13.5 milionë euro, ‘për shkak të dëmeve të shkaktuara nga Telekomi’. Z-Mobile pretendonte se marrëveshja e nënshkruar në vitin 2009, ishte në fuqi dhe nuk ka përfunduar më 31 korrik 2019, siç pretendonte dhe ja ndërpreu Telekomi i Kosovës.
Sipas kësaj kompanie, marrëveshja mbetet në fuqi për faktin që Tekekomit, po më 31 korrik, i është vazhduar licenca nga Autoriteti Rregullativ i Telekomunikacionit.
Kjo është hera e dytë që Telekomi i Kosovës paditet nga “Z-Mobile”. Herën e parë, Telekomi u dënua në 2016-n me 32 mln euro gjobë nga IÇ.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
