.png)
Aplikacioni i mesazheve Telegram do të dorëzojë adresat IP dhe numrat e telefonit të përdoruesve tek autoritetet që kanë urdhër kërkimi ose kërkesa të tjera të vlefshme ligjore.
“Ndryshimi i kushteve të shërbimit dhe politikës së privatësisë duhet të dekurajojë kriminelët”, tha CEO Pavel Durov në një postim në Telegram.
“Ndërsa 99,999% e përdoruesve të Telegram nuk kanë asnjë lidhje me krimin, 0,001% e përfshirë në aktivitete të paligjshme krijojnë një imazh të keq për të gjithë platformën, duke vënë në rrezik interesat e pothuajse miliardë përdoruesve tanë”, vazhdoi ai.
Njoftimi shënon një ndryshim të rëndësishëm për Durovin, bashkëthemeluesin e platformës me origjinë ruse, i cili u arrestua nga autoritetet franceze muajin e kaluar në një aeroport në veri të Parisit.
Ditë më vonë, prokurorët atje e akuzuan atë për mundësimin e veprimtarisë kriminale në platformë. Akuzat kundër tij përfshijnë bashkëpunim në përhapjen e imazheve të abuzimit me fëmijët dhe trafikimin e drogës. Ai u akuzua gjithashtu për mosrespektim të zbatimit të ligjit.
Durov, i cili i ka mohuar akuzat, sulmoi autoritetet menjëherë pas arrestimit të tij, duke thënë se mbajtja e tij përgjegjës për krimet e kryera nga palët e treta në platformë ishte edhe "e habitshme" dhe "e gabuar".
Kritikët thonë se Telegram është bërë një vatër e dezinformatave, pornografisë së fëmijëve dhe përmbajtjeve të lidhura me terrorin, pjesërisht për shkak të një veçorie që lejon grupet të kenë deri në 200,000 anëtarë.
Në të kundërt, ËhatsApp në pronësi të meta, kufizon madhësinë e grupeve në 1000.
Arrestimi i shefit ekzekutiv 39-vjeçar ka ndezur debate për të ardhmen e mbrojtjes së fjalës së lirë në internet.
Pas ndalimit të Durov, shumë njerëz filluan të pyesin nëse Telegram ishte në të vërtetë një vend i sigurt për disidentët politikë.
Ai thotë se ky ndryshim i fundit i politikës tashmë po përshëndetet me më shumë alarm në shumë
Ekspertët e sigurisë kibernetike thonë se ndërsa Telegram ka hequr disa grupe në të kaluarën por ai ka një sistem shumë më të dobët të moderimit të përmbajtjeve ekstremiste dhe ilegale sesa kompanitë konkurruese të mediave sociale dhe aplikacionet e mesazheve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
