PSG nuk po bind në këtë fillim sezoni, pavarësisht se gjatë merkatos së verës ka bërë afrime të bujshme, me Lionel Mesin dhe Serxhio Ramosin në krye. Barazimi në Ligën e Kampionëve me Bryzhin ka lënë një shije shumë të hidhur te tifozët dhe drejtuesit e klubit.
Në shënjestër është trajneri Mauricio Poketino, i cili konsiderohet si përgjegjësi kryesor për gjendjen që po kalon skuadra. Madje, që tani kanë nisur të lakohen disa pista për pasuesin e trajnerit argjentinas. Dhe kandidati kryesor, sipas mediave në Francë, është Zinedin Zidan, ish-trajneri i Real Madridit.
Kuptohet që nuk ka ende asnjë qëndrim zyrtar, sepse sezoni sapo ka nisur, por që stoli i Poketinos ka nisur të lëkundet, është e qartë. Për t’i paraprisë situatës, drejtuesit e klubit parisien duket se kanë filluar lëvizjet dhe në krye të listës kanë mjeshtrin e Chammpionsit, Zinedin Zidan, i cili gjatë drejtimit të Realit e ka fituar 3 herë Kupën me veshë të mëdhenj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
