Gazeta Si – Një hap përpara për të drejtat lgbtq+ në futboll. Federata Gjermane e Fetbollit ka bërë me dije se transgjinorët janë të lirë të zgjedhin, nëse do të luajnë me një skuadër meshkujsh, apo një skuadër femrash.
Rregulli i ri do të aplikohet duke nisur nga sezoni i ardhshëm. Ky rregull do të përfshihet në rregulloren e ndeshjeve edhe të të rinjtë dhe në futbollin e sallës.
Me një njoftim zyrtar, Federata Gjermane ka saktësuar: “Transgjinorët, tani e tutje mund të ndryshojnë apo të qëndrojnë në skuadrën, ku kanë luajtur më parë.
Kur në aktivitetin sportiv nuk ka pasoja për shëndetin e një personi që merr ilaçe, ai person mund të marrë pjesë në kompeticion”.
Përgjegjësja e futbollit të femrave, Sabine Mamitzsch, ka komentuar: “Prej kohësh shoqata shtetërore dhe rajonale, por edhe individë të veçantë, kishin ngritur shqetësimin e paqartësisë si ta adminsitronin pjesëmarrjen në sport të personave trans dhe interseksualë.
Tani është pritur mjaft mirë futja e rregullit kombëtar dhe global në lidhje me të drejtën për të praktikuar sport”.
Një vendim i rëndësishëm në lidhje me temën e të drejtave të njeriut, duke parë vështirësitë e futbollit për këtë tipologji, me transgjinorët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
