Tifozët e Lacios nuk mund të shkojnë në Francë për të ndjekur nga afër ndeshjen me Olimpikun e Marsejës, e vlefshme për turin e katërt të Ligës së Europës. Ua ndalon këtë gjë një urdhër i ministrit të Brendshëm francez, Gerald Darmanin. Për të justifikuar këtë vendim, ai ka thënë se tifozët e Lacios janë të dhunshëm dhe shpesh përdorin edhe kore fashiste në stadiume.
Në të kaluarën tifozët e Lacios dhe ata të Marsejës kanë pasur probleme mes tyre. Në tetor të 2018-ës, kur këto dy skuadra kanë luajtur ndeshjen e fundit mes tyre në Francë, u plagosën katër persona, pas një përleshjeje që përfshiu rreth 200 tifozë.
Kohët e fundit ka pasur përplasje edhe mes tifozëve francezë dhe atyre turq, më saktë më 30 shtator, gjatë ndeshjes Olimpik Marsejë-Gallatasaraji. UEFA kishte vendosur të mbyllte tribunën veriore të stadiumit “Velodrome” për ndeshjen me Lacion.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
