.png)
Gazeta Si – Dy persona, të armatosur me kallashnikov dhe sipas policisë me precedentë të mëparshëm kriminalë, janë arrestuar në Elbasan.
Policia njofton se se operacioni për arrestimin e tyre është rezultat i një hetimi me metoda proaktive, kundër armëmbajtjes pa leje.
“Shërbimet e Policisë, në bazë të informacioneve të siguruara gjatë hetimit proaktiv, kanë ndaluar për kontrolle, në rrugën “Iliaz Kosova”, automjetin me drejtues shtetasin A. K., 32 vjeç (i dënuar më parë në Gjermani), dhe me pasagjer shtetasin R. S., 30 vjeç (me precedent për plagosje dhe për kundërshtim të punonjësve të Policisë)”, sqaron policia.
Gjatë kontrollit të automjetit është gjetur nën sediljen e pasagjerit, një armë zjarri kallashnikov me municion luftarak, që posedohej pa leje nga të arrestuarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
