Taylor Swift hyn në histori, 10 këngët e para në Billboard Hot 100 janë të sajat

Këngëtarja ka kaluar Drake, i cili ka mbajtur rekordin e mëparshëm me nëntë nga këngët më të mira për një javë vitin e kaluar.

13:21 - 02 Nëntor 2022

Taylor Swift është bërë artistja e parë në botë që 10 këngët e para në Billboard Hot 100 janë të sajat, nga albumi i saj i fundit “Midnights”.

Billboard tha se Swift ka kaluar Drake, i cili ka mbajtur rekordin e mëparshëm me nëntë nga 10 këngët më të mira për një javë në shtator 2021.

“10 këngët e para, 10 të miat në Billboard Hot 100? Në albumin tim të 10-të? Jam e shastisur”, shkroi në Twitter ylli 32-vjeçar i popit.

Albumi i ri doli më 21 tetor me 13 këngë dhe një version me shtatë këngë bonus.

Vendi i parë në listën e Billboard i përket Anti-Hero, teksti i të cilës është bërë një trend edhe në TikTok.

Këngët e tjera Top 10 përfshijnë Lavender Haze, Maroon, Snow on the Beach, Midnight Rain, Bejeweled dhe Question.

Swift ka vendosur një numër rekordesh të reja me Midnights: Albumi është bërë më i shituri këtë vit për një javë.

Në ditën e publikimit, Midnights theu rekordet globale të Spotify për më shumë transmetime të një albumi të vetëm brenda një dite.

Swift ka kaluar gjithashtu Madonna-n duke vendosur një rekord të ri të të gjitha kohërave në top-listën në Mbretërinë e Bashkuar për albumet më të pëlqyera nga një artiste femër.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.