.png)
Pas lajmit se makinat që do të importohen në SHBA do të tarifohen me 25%, kompanitë e automjeteve në Europë reflektuan ndikimet e para.
Indeksi i Automobilëve në Europë ra me 2.8%. Stellantis, prodhuesi i makinave Jeep, dhe Mercedez Benz ranë me pothuajse 6% dhe Porsche me 5.4%. BMW përjetoi një rëie prej 4,3% dhe Volkswagen me 3.5%.
Vitin e shkuar, SHBA ishte blerësi kryesor i prodhimeve europiane, ku makinat ishin produktet kryesore. Në 2024-n tregtia e makinave nga Europa në SHBA arriti në 102 mld euro.
Në një deklaratë, presidentja e Komisionit Europian Ursula von der Leyen tha se BE po shqyrton zgjidhje dhe negociata, duke mbrojtuar interesat ekonomike.
Presidenti i SHBA Donald Trump njoftoi taksa të reja të importit prej 25% për makinat dhe pjesët e makinave që vijnë në SHBA, një lëvizje që kërcënon të zgjerojë luftën tregtare globale.
Tarifat e fundit do të hyjnë në fuqi më 2 prill, dita e “çlirimit të Amerikës” siç e përcaktoi presidenti, kur do të vendosen detyrime reciproke edhe ndaj 15 vendeve.
Për manjatin, masa do të shërbejë për të stimuluar prodhimin vendas, por rrezikon të rëndojë financat e prodhuesve të makinave që varen nga zinxhirët e furnizimit global dhe të rezultojë në kosto më të larta për konsumatorët amerikanë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
