Gazeta Si – Praktikisht duket i mbyllur kalimi i Vedat Muriqit te Majorka, skuadra ku ai luajti në formë huazimi sezonin e fundit dhe u bë protagonist me gola. Tare ka mbyllur gjithçka dhe pritet vetëm zyrtarizimi, që duket formalitet.
Sulmuesi kosovar i ka kushtuar Majorkës në total rreth 9 milionë euro, 8 milionë pjesa fikse dhe 1 milion bonus. Më në fund, do të marrë fund edhe telenovela e Muriqit, që te Lacio nuk kishte më vend.
Më parë kosovari ishte shumë pranë Bryzhit, madje shkoi për të kryer edhe vizitat mjekësore, por belgët ndërruan mendje në momentin e fundit dhe marrëveshja ra poshtë. Tani drejtori sportiv, Igli Tare, ka gjetur akordin me drejtuesit e Majorkës.
Lacio shpenzoi jo pak për Muriqin, por asnjëherë pas ardhjes nga Fenerbahçe ai nuk mundi të linte shenjë në Itali. Në Spanjë ishte ndryshe sezonin e fundit dhe tashmë sulmuesi do të kthehet te Majorka si lojtar i saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
