.png)
Tani mund të flasësh me zë të lartë me ChatGPT dhe të dëgjosh se si chatbot-i u kthen përgjigje.
OpenAI, startup-i që qëndron pas chatbot-it jashtëzakonisht të popullarizuar, njoftoi të hënën se po nxjerr veçori të reja duke përfshirë aftësinë për t’i lejuar përdoruesit të përfshihen në një bisedë zanore me ChatGPT.
Në një postim në blogun e kompanisë, OpenAI tha me shaka se kjo veçori e re mund të përdoret për të kërkuar një histori para gjumit ose për të zgjidhur një debat në tryezën e darkës.
Veçoritë e zërit nga OpenAI kanë ngjashmëri me ato që ofrohen aktualisht nga asistentët zanorë Alexa ose Siri.
Në një demonstrim të përditësimit të ri, një përdorues i kërkon ChatGPT të tregojë një histori dhe menjëherë nis të rrëfejë një histori me zë të lartë.
OpenAI tha gjithashtu se po nxjerr një veçori të re që lejon robotin t’u përgjigjet kërkesave që paraqiten si një imazh. Për shembull, mund të bëni një fotografi të përmbajtjes së frigoriferit tuaj dhe t’i kërkoni ChatGPT t’ju ndihmojë të krijoni një plan vakt duke përdorur përbërësit që keni.
Veçoritë e reja do shfaqen në aplikacion brenda dy javëve të ardhshme për abonentët me pagesë të shërbimeve Plus dhe Enterprise të ChatGPT.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
