Talenti i Shqipërisë U-21, Omar Imeri është drejt transferimit në kampionatin turk, aty ku Fenerbahce e kërkon me ngulm. Sipas “Sportmedia.mk” 20-vjeçari i Shkëndijës pritet të ndryshojë ekip pasi të dy klubet e kanë nisur kontaktet.
Objektivi i tetovarëve është që të përfitojë sa më shumë nga kartoni i Imerit. Kuqezinjtë kërkojnë 300 mijë euro, por Fenerbahce ofron vetëm 150 mijë euro, por transferimi duket shumë pranë, pavarësisht diferencave në kërkesë-ofertë.
Për 20-vjeçarin, i cili ka shënuar pesë gola në kampion këtë sezon, ky është sezoni i tretë si profesionist, pasi më parë ka luajtur edhe me Shkupin si i huazuar.
Omar Imeri bashkë me Shefit Shefitin është njëri prej dy futbollistëve të rinj të Shkëndijës që ishte grumbulluar me Kombëtaren U-21 të Shqipërisë nga ana e trajnerit Alban Bushi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
