.png)
Gazeta Si – Sulmuesi 17-vjeçar i Palmeiras, lojtari i ardhshëm i Real Madrid, do të veshë për herë të parë fanellën e Seleçaos. I fundit kaq i ri në moshë ka qenë Fenomeni në vitin 1993.
Ngjitja e Endrik vazhdon. Talenti brazilian që ka firmosur për Real Madrid, ka marrë ftesën për grumbullimin e parë me kombëtaren. Brazili do të luajë dy ndeshje, me Kolumbinë dhe Argjentinën, në kualifkueset për Kupën e Botës.
Trajneri i Seleçaos ka bërë publike sot listën e të grumbulluarve dhe aty figuron edhe emri i sulmuesit të ri të Palmeiras. Endrik, 17 vjeç, do të jetë më i riu në moshë që do të veshë fanellën e Brazilit që nga koha e Ronaldos në 1993-shin.
Lojtari i vitlindjes 2006 do të veshë fanellën e Realit duke nisur nga vera e 2024-ës. Madrilenët kanë blerë kartonin e Endrik për rreth 60 milionë euro, por ai mund të luajë për klubin spanjoll pasi të ketë mbushur 18 vjeç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
