Gazeta Si – Një aksident i rëndë ka ndodhur në orët e para të mëngjesit të së enjtes në askin e autostradës Milot-Mamurras, pranë mbikalimit të Sanxhakut.
Një mjet taksi, e cila po udhëtonte në drejtim të Rinasit ka dalë nga rruga dhe është përplasur me një objekt.
Shoferi 40-vjeçar me iniciale L.D., ka humbur kontrollin mbi drejtimin e taksisë dhe ka dalë jashtë rruge. Për pasojë ka ndërruar jetë 56-vjeçarja P.Gj., e cila ishte pasagjere.
Po ashtu, janë dëmtuar shoferi i taksisë, një pasagjere 30-vjeçare dhe 2 fëmijë që ndodheshin në makinë. Ata janë dërguar në spital dhe ndodhen nën kujdes mjekësor.
Të plagosurit ndodhen në spital jashtë rrezikut për jetën, ndërsa drejtuesi i mjetit është shoqëruar në polici dhe shkak dyshohet se është pagjumësia.
Ky është aksidenti i 11 që ka ndodhur në harkun kohorë të 1 jave në rrugët e qarkut të Lezhës, me 3 viktima dhe 22 të plagosur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
