.png)
Nga Gazeta 'Si' - Presidenti francez, Emanuel Macron ka kërkuar hapa drejt zbatimit të marrëveshjeve të arritura në kuadër të dialogut Kosovë-Serbi.
Macron ka thënë se Asociacioni i komunave me shumicë serbe duhet të themelohet.
Kështu bëhet e ditur në një njoftim të presidencës franceze, pas një takimi që Macron ka pasur me presidentin serb, Aleksandër Vuçiç në Samitin e 4-të të Komunitetit Politik Evropian në Blenheim të Mbretërisë së Bashkuar.
“Kreu i Shtetit i përsëriti presidentit Vuçiç gjithashtu mbështetjen e plotë të Francës për integrimin e Serbisë në Bashkimin Evropian. Ai nënvizoi përkushtimin e tij për normalizimin e marrëdhënieve ndërmjet Serbisë dhe Kosovës, në mbështetje të ndërmjetësimit evropian dhe bëri thirrje për zbatimin e plotë të marrëveshjeve Bruksel-Ohër.
Në këtë kontekst, Presidenti i Republikës nënvizoi rëndësinë e zbatimit të Asociacionit të Komunave me shumicë serbe në Kosovë”, thuhet në njoftimin e lëshuar nga zyra e presidencës franceze.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
