.png)
Një palë syze dielli speciale për të stërvitur reflekset. Ky është sekreti i Jan Somer, portierit të Zvicrës, që kualifikoi skuadrën e tij për në çerekfinale të Euro 2020, duke pritur penalltinë e Kilian Mbape. Kompania japoneze që i prodhon këto syze ka saktësuar se mjaftojnë 15 minuta në ditë, në ditë të ndryshme për dy muaj, për të garantuar një reagim më të mirë të personit që i mban.
Teknologjia pas syzeve japoneze ashtë ajo e dritave të forta, atyre që zakonisht gjenden në diskoteka. Lentet goditen nga drita që ndizen dhe fiken në intervale të shkurtra të rregullta. Këto “flash”-e të vazhdueshme e lejojnë atë që i mban të ketë një vizion të ngadalësuar. Kështu, topi nuk perceptohet si një lëvizje fluide, por si në foto. Është një lloj vizioni që i ofron një stimul neurologjik sportistit, që ka mundësinë të bëjë më mirë koordinimin sy-dorë-top.
Në futboll kjo teknologji nuk është përhapur ende në masë, ajo përdoret gjerësisht në sportin amerikan, sidomos në MLS, në ligën e bejsbollit, ku të gjitha skuadrat përdorin këto lente. Ndoshta pas suksesit që ka pasur Jan Somer, do të shohim më shumë portierë të stërviten me syze dielli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
