.png)
Nga Gazeta Si – Traineri Sylvinho e ka kthyer në aksiomë – “Eshtë një ndeshje e rëndësishme dhe nuk është koha për eksperimente.
Kështu e filloi edhe sot konferencën për shtyp për prezantimin e listës së lojtarëve për ndeshjen ndaj Serbisë.
Për dëmtimin e Ardian Ismajlit tha se po pret stafin mjekësorë të Torinos, ndërsa për Klisman Caken tha se u grumbullua për të plotësouar boshllëqet e krijuara nga dëmtimet.
Dhe për këtë duhen lojtarë me eksperiencë dhe jo të rinj. Eshtë një ndeshje e rëndësishme por jo definitive për përcaktimin e rrugës drejt Playoff-it.
Duket se braziliani shpreson të marrë ndonjë pikë ndaj Anglisë, nëse humbet ndaj Serbisë.
Mehmetin e lë jashtë për shkak pozicioni, pasi në klub luan në të majtë ndërsa në Kombëtare në të djathtë.
Gripshin tha se e ndjek prej 6 muajsh dhe se është i kënaqur me ecurinë e Taulant Seferit.
Për Berishën dhe Muçin arsyeja e mungesës është e njëjta. Numri i lartë i portierëve dhe futbollistëve në krahun e majtë.
Por për brazilianin në stolin kuqezi, 25 lojtarë janë të mjaftueshëm dhe se ai nuk dëshiron të dërgojë shumë lojtarë në tribunë.
Ndeshjen e 11 viteve të shkuara e përmendi pak sepse Sylvinho mendon se futbolli ka avancuar.
Ndërsa ditët në dispozicion tha se i mjaftojnë për ta përgatitur ndeshjen në planin individual dhe në grup.
Për të ardhmen e tij thotë se i duhet të mendojë ai dhe jo Presidenti Duka, por nuk është ky momenti.
Ndërsa për ndërrimin e stadiumit nga Beogradi në Leskovac, tha se nuk përbën asnjë ndryshim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
