.png)
Gazeta Si – Tenisti italian ka arritur të mundë Novak Gjokoviçin, madje me përmbysje, 4-6, 7-5 dhe 6-4. Në çerekfinale të turneut do të ndeshet me patriotin Janik Siner, që eliminoi Hurkacz.
Lorenco Muzeti ka bërë surprizën në fazën e 1/8-ve, duke mundur Gjokoviç në Masters 1000 të Montekarlos. Pasi rrezikoi shumë kundër ‘Noles’, ai ia doli të bënte një përmbysje të madhe dhe të kalojë në çerekfinale. Duhet theksuar se serbi bëri shumë gabime pas fillimit të shiut.
Take a bow 🙇♂️ @Lorenzo1Musetti stuns the top seed Novak Djokovic 4-6 7-5 6-4 to reach the quarter-finals.@ROLEXMCMASTERS | #RolexMonteCarloMasters pic.twitter.com/T5xAB7hKJo
— ATP Tour (@atptour) April 13, 2023
Italiani e rriti mjaft nivelin e lojës në setin e dytë dhe të tretë. Në setin e tretë Gjokoviç reagoi mirë, por vrulli i tij u ndërpre nga shiu, që i detyroi tenistët të futeshin në dhomat e zhveshjes.
Pas një ore Gjokoviç u kthye në fushë shumë agresiv, duke bërë shumë gabime. Muzeti anuloi një ‘break point’ të rivalit dhe arriti të mbyllte ndeshjen vetëm pas ‘match point’-it të 4-t, pas 2 orë e 54 minutash lojë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
