.png)
Gazeta Si – “Një gjeneratë e re kampionësh po lind. Alkaraz, Rune, unë. Jemi të gjithë të rinj”. Janë fjalët e Novak Gjokoviç para finales të Bercy në Paris. Me humor ai komentoi momentin aktual në tenis, ku në tavolinën e të mëdhenjve është prezantuar tashmë edhe Holger Rune.
Jo si kampion i shumëfishtë Slam-esh, por si fitues i turneut të Parisit, që është edhe arritja më e madhe në karrierë për 19-vjeçarin. Danezi mundi me përmbysje Gjokoviçin në finale, 3-6, 6-3 dhe 7-5. Një ditë historike për cirkuitin Atp, që me renditjen e përditësuar do të ketë dy tenistë të datëlindjes 2003, – Rune dhe Alkaraz, – në ‘Top 10’.
👑 HOLGER'S TIME IS NOW 👑
— ATP Tour (@atptour) November 6, 2022
The moment 🇩🇰 @holgerrune2003 won his first Masters 1000 title! @RolexPMasters | #RolexParisMasters pic.twitter.com/Y7lgepv35g
Seti i parë zgjati pak, 36 minuta, dhe u dominua nga serbi. Më pas danezi gjeti motivimin dhe qetësinë e duhur për të përmbysur gjithçka dhe për të fituar trofeun.
Vetëm 19 vjeç, Rune bëhet kampioni më i ri i ‘Rolex Paris Masters’ që nga koha e Boris Bekerit në 1986-ën (18 vjeç). Holger Rune është gjithashtu i pari që mund 5 lojtarë të ‘Top 10’ në të njëjtin turne. Është edhe danezi i parë që hyn në 10-shen më të mirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
