Futboll

Superiorja starton të premten nga ‘Kukës Arena’, vendësit presin Tiranën

Gazeta Si – Po vjen momenti i startit për Superioren. Kampionati elitar i futbollit në Shqipëri do të nisë ditën e premte, nga stadiumi ‘Kukës Arena’. Klubi verior ka bërë publike edhe çmimet e biletave për ndeshjen hapëse të kampionatit.

Siç është traditë, në fushë do të zbresë i pari ekipi kampion. Kukësi i trajnerit Skënder Gega do të presë Tiranën kampione në fuqi. Të dy ekipet sigurisht do të kërkojnë një nisje sa më të mbarë të garës në stadiumin e rikonstruktuar të Kukësit.

Njoftimi i klubit kuksian për biletat e ndeshjes me Tiranën. Gazeta Si, 17 gusht 2022

Katër ndeshjet e tjera të javës së parë të sezonit 2022-2023 do të luhen ditën e shtunë dhe të diel.

Duhet theksuar se Superiores këtë sezon do t’i mungojnë shumë emra të mëdhenj, si Dinamo, Skënderbeu, Flamurtari, Elbasani, Apolonia, Lushnja, Tomori, Luftëtari apo Besëlidhja.

Dhjetë skuadrat e nivelit elitar janë Tirana, Partizani, Vllaznia, Kukësi, Teuta, Laçi, Kastrioti, Egnatia, Bylisi dhe Erzeni.


Copyright © Gazeta “Si”


Më Shumë