.png)
Sot dhe nesër do të luhen ndeshjet e javës së 33 në Kategorinë Superiore. Mes Kupës dhe kampionatit, kjo është një periudhë e ngjeshur për “BIG4” ku është kualifikuar vetëm Egnatia e cila në mesjavë zbriti në fushë për Kupën e Shqipërisë. Raundi fillon në orën 15:00 në Lac dhe në Ballsh ku vendasit luajnë për mbijetesë ashtu si miqtë e Skënderbeut por jo Vllaznia në Ballsh. Golevarazhi dhe ndeshjet direkte do të vendosin shumë për mbijetesën dhe ndaj Laci dhe Skëndërbeun duan maksimumin mesditën e sotme. Ndërsa Vllaznia kërkon vendin e dytë dhe avantazhin e fushës në “Final4” ndaj Bylis nuk pret asnjë dhuratë.
E diela mbyllet mes Dinamo City-t dhe Teutës, sfidë e njëjtë me atë në Ballsh por këtu ndryshojnë aktorët. Të hënën Egnatia pret AF Elbasani, ndeshje e rëndësishme për kolaudimin përfundimtar të vendasve në spritnin e fundit të sezonit. Ndërsa miqtë verdheblu shpresojnë ende për një vend mes 4 më të mirëve. Mbrëmja i përket derbit të fundit nië kryeqytet për sezonin 2024/25. Situatë diametralisht e kundërt në klasifikim por bardheblutë kanë shënuar më shumë se të kuqtë. Diferencën e bën mbrojtja që mban Partizanin në “BIG4” dhe Skënder Gega kërkon fitoren e dytë rradhazi në atë që mund ti garantojë rinovimin automatik edhe për një vit tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
