.png)
“BIG4” në kampionat, “BIG4” edhe në Kupë. Katër skuadrat më të mira të futbollit në vend duket se do të diskutojnë deri në fund për trofetë sezonalë. Pas 3 ndeshjeve dhe 8 golave në kampionat (1 fitore për secilën dhe një barazim pa gola) Vllaznia dhe Dinamo City do të ndeshen dy herë brenda 11 ditëve në “Loro Boriçi”. Fillimisht sot në orën 19:00 në ½ finalen e parë të Kupës. Kuqeblutë vijnë pas 6 pikësh në 5 ndeshjet e fundit ndërsa blutë kanë 1 më shumë në të njëjtën periudhë.
Ndërkohë nesër në të njëjtën orë, Egnatia do të presë Partizanin në “Arena Egnatia”. Pas 6 golave në 3 fazat e para në kampionat, dy kampionët e fundit në Superiore do të ndeshen dy herë në 11 ditët e ardhshme por në ndryshim nga ½ finalja tjetër, sot do të luajnë në Rrogozhinë, ndërsa në Superiore në kryeqytet. Egnatia mori 9 pikë në 5 ndeshjet e fundit (ku nuk ka asnjë humbje), ndërsa Partizani 2 më pak në të njëjtën periudhë (ku ka dy humbje).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
