.png)
Gazeta Si – Një Nik Kirgios hyjnor eliminon nga Us Open numrin 1 në botë, Danil Medvedev, dhe shkon në çerekfinale. Ishte ky verdikti i ndeshjes me më shumë pritshmëri në këtë turne. Fitoi australiani 7-6, 3-6, 6-3 dhe 6-2.
Një sukses që vlen shumë në të gjitha pikëpamjet për Nik Kirgios. Është i dyti radhazi për australianin që e mundi rusin Medvedev edhe në turin e dytë në Kanada, në fillim të gushtit. Tani ai kryeson 4-1 në sfidat direkt.
Mbi të gjitha është konfirmimi i formës së jashtëzakonshme të Nik Kirgios. Me këtë rezultat, duke shtuar edhe finalen e Uimbëlldonit, ai kthehet në 20-shen më të mirë të botës. Për Medvedev është fundi i pathyeshmërisë në Flushing Meadows, që zgjaste prej 10 ndeshjesh.
Rusi nuk do të jetë më numri 1 në botë në fund të turneut amerikan. ‘Froni’ do t’i kalojë njërit mes Nadal, Alkaraz dhe Rud.
Serving for the US Open quarterfinals, Nick Kyrgios delivered this. 🥶️@Heineken Serve of the Day | #USOpen pic.twitter.com/ONXF2fGqY7
— US Open Tennis (@usopen) September 5, 2022
Kirgios ishte shumë i përqendruar në ndeshje. Ai e nisi në sulm dhe fitoi setin e parë 7-6. Medvedev reagoi në të dytin dhe barazoi, por më pas australiani tregoi forcën e tij, duke i fituar bindshëm dy setet e tjera.
Thuajse në të gjitha statistikat ishte Kirgios ai që dominoi. Në çerekfinale ai do të ndeshet me një tjetër rus, Karen Khaçanov, i cili ka thyer parashikimet dhe ka eliminuar pas 5 setesh spanjollin Pablo Karrena Busta (4-6, 6-3, 6-1, 4-6 dhe 6-3).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
