.png)
Nga Gazeta ‘Si’- Kryeministri i Kosovës Albin Kurti ka reaguar në lidhje me sulmin e ndodhur ndaj godinës së Postës së Kosovës në Zveçan duke theksuar se kjo vepër, sipas tij, ka elemente terroriste.
Kurti ka deklaruar se fakti që terroristi serb Radoiçiç është ende i lirë sëbashku me individë të tjerë të grupeve kriminale, u jep sipas tij, mundësi atyre që të shfrytëzohen nga Serbia për qëllime shoviniste.
“Brengosëse në këtë situatë mbetet fakti se individë të njohur për lidhjet e tyre me grupe kriminale dhe terroriste, si Millan Radoiçiç, vazhdojnë të mbeten të lirë, e po strehohen dhe po shfrytëzohen nga pushteti në Serbi për qëllime shoviniste”, ka shkruar kreu i qeverisë së Kosovës në një postim në Facebook.
Sipas Kurtit, qëndrimi në liri i kriminelit Radoiçiç dhe mosdorëzimi i tij autoriteteve të Kosovës është një mesazh i rrezikshëm që inkurajon kriminelë e terroristë, ekstremistë të ndryshëm, që të vazhdojnë veprimet e tyre me tendencë destabilizuese.
Ai shkruan se ky sylm është sipas tij orvatje nga dëshpërimi dhe pafuqia e atyre që nuk sundojnë më në veriun e Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
