Gazeta Si – Në Sidnei disa njerëz, duke përfshirë peshkopin Mar Mari Emmanuel, u goditën me thikë gjatë meshës në një kishë të krishterë asiriane në Wakeley.
Sipas mediave australiane, të plagosurit nuk janë në gjendje të rëndë. Policia ka njoftuar tashmë arrestimin e një personi.
Në videot e publikuara në rrjetet sociale, sulmuesi shihet teksa i afrohet peshkopit, i cili po kremton meshën dhe e godet me një send, i cili megjithatë nuk dallohet.
Pamjet tregojnë momentin kur një burrë shkon te peshkopi para se ta godasë me thikë në fytyrë dhe në trup.
Peshkopi më vonë u filmua duke nga kamerat duke u dërguar në një ambulanca në spital, ndërkohë që thuhet se edhe disa besimtarë janë plagosur me thikë nga sulmuesi. Dyshohet se sulmuesi është bllokuar nga besimtarët deri në ardhjen e policisë.
Peshkopi Mar Mari Emmanuel është udhëheqësi i një sekti ultra-konservator ortodoks asirian që ka marrë një rol të spikatur në lëvizjen e jetës së krishterë dhe ka tërhequr të krishterët e linjës së ashpër për predikimet e tij anti-LGBTQ dhe skepticizmin në lidhje me pandeminë COVID-19.
Dy ditë më parë, në një qnedër tregtare në kryeqytetin australian, një person vrau me thikë 5 persona dhe plagosi disa të tjerë.
Autori u qëllua me armë për vdekje nga policia, e cila dyshon se pas këtij akti makabër janë problemet e shëndetit mendor të agresorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
