Nga Gazeta ‘Si’-Suedia u bë anëtarja më e re e NATO-s të enjten (7 mars 2024), pasi depozitoi instrumentin e saj të pranimit në Traktatin e Atlantikut të Veriut në Qeverinë e Shteteve të Bashkuara në Uashington DC.
Me pranimin e Suedisë, NATO tani numëron 32 vende në mesin e anëtarëve të saj.
Sekretari i Përgjithshëm i NATO-s Jens Stoltenberg tha se kjo është një ditë historike.
“Suedia tani do të zërë vendin që i takon në tryezën e NATO-s, me të njëjtin fjalë në formësimin e politikave dhe vendimeve të NATO-s. Pas mbi 200 vitesh mosangazhim, Suedia tani gëzon mbrojtjen e dhënë sipas nenit 5, garancia përfundimtare e lirisë dhe sigurisë së aleatëve. Suedia sjell me vete forca të armatosura të afta dhe një industri të klasit të parë të mbrojtjes. Pranimi i Suedisë e bën NATO-n më të fortë, Suedinë më të sigurt dhe të gjithë Aleancën më të sigurt. Pranimi i sotëm tregon se dera e NATO-s mbetet e hapur dhe se çdo komb ka të drejtë të zgjedhë rrugën e vet”, citoi ai.
It’s official – #Sweden is now the 32nd member of #NATO, taking its rightful place at our table. Sweden’s accession makes NATO stronger, Sweden safer, and the whole Alliance more secure. I look forward to raising their flag at NATO HQ on Monday.
— Jens Stoltenberg (@jensstoltenberg) March 7, 2024
Flamuri i Suedisë do të ngrihet së bashku me ata të 31 aleatëve të tjerë në një ceremoni në selinë e NATO-s në Bruksel të hënën (11 mars 2024) dhe njëkohësisht në komandat e NATO-s në të gjithë Evropën dhe Amerikën e Veriut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
