.png)
Suedia do të ndalojë përdorimin e vaksinës Moderna për njerëzit e lindur nga viti 1991 dhe më vonë pas raportimeve për efekte anësore të mundshme, siç është miokarditi (sëmundje e zemrës), tha të mërkurën agjencia suedeze e shëndetësisë.
“Agjencia Suedeze e Shëndetit Publik ka vendosur të pezullojë përdorimin e vaksinës së Moderna Spikevax për të gjithë të lindurit nga viti 1991 dhe më vonë,” thuhet në deklaratë.
“Shkaku janë sinjalet e një rreziku të shtuar të efekteve anësore të tilla si miokarditi dhe perikarditi. Sidoqoftë, rreziku për t’u prekur është shumë i vogël,” thuhet në deklaratë.
Agjencia shëndetësore tha se rekomandoi në vend të saj vaksinën Pfizer / BioNtech.
Njerëzit e lindur në 1991 ose më vonë që kishin marrë dozën e parë të Moderna-s (rreth 81,000) nuk do ta marrin dozën e dytë nga e njëjta kompani.
Në fillim të kësaj jave, agjencia suedeze e shëndetësisë tha se ata të moshës 12 deri në 15 vjeç do të merrnin vetëm vaksinën Pfizer / BioNtech.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje