.png)
Ushqyerja me gji është lidhur prej kohësh me një rrezik të reduktuar të kancerit të gjirit, por se si e ka këtë efekt nuk është plotësisht e qartë. Tani, shkencëtarët kanë zbuluar se gratë që kanë ushqyer me gji kanë qeliza imune më të ‘forta’ në gjinjtë e tyre, të cilat mund t’i mbajnë ato malinje nën kontroll.
Hulumtimet e mëparshme kanë treguar se rreziku i kancerit të gjirit, forma e dytë më e zakonshme e kancerit në botë, zvogëlohet me 4.3 për qind për çdo një vit të ushqyerjes me gji, me efektet mbrojtëse që ndoshta u sjellin dobi veçanërisht nënave në moshë.
Arsyet pse nuk janë kuptuar plotësisht, por mendohet se ndryshimet në indin e gjirit dhe ekspozimet hormonale janë të përfshira. Për të mësuar më shumë, Sherene Loi në Qendrën e Kancerit Peter MacCullum në Victoria, Australi, dhe kolegët e saj analizuan indin e gjirit nga 260 gra, të moshës midis 20 dhe 70 vjeç. Gratë ndryshonin në numrin e fëmijëve që kishin pasur, nëse kishin pasur, dhe nëse raportonin se kishin ushqyer me gji, por asnjëra nuk ishte diagnostikuar ndonjëherë me kancer të gjirit.
“Ne zbuluam se gratë që kanë ushqyer me gji kanë qeliza imune më të specializuara, të quajtura qeliza T CD8+, që jetojnë në indin e gjirit për dekada pas lindjes”, thotë Loi. “Këto qeliza veprojnë si roje lokale, të gatshme për të sulmuar qelizat anormale që mund të shndërrohen në kancer.”
Në disa raste, këto qeliza qëndruan në gji deri në 50 vjet.
Studiuesit mendojnë se qelizat T grumbullohen në gji gjatë ushqyerjes me gji për të parandaluar infeksionet. Ekziston gjithashtu një lidhje midis shtatzënisë dhe kancerit të gjirit, por është më komplekse, me hulumtimet që sugjerojnë se rreziku zvogëlohet vetëm nëse shtatzëna është në një moshë më të re.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
