.png)
Kohët e fundit studiuesit kanë zbuluar antitrupa që mund të neutralizojnë një sërë variantesh të SARS-CoV-2 dhe koronaviruse të tjerë. Ata shpresojnë se puna e tyre, e cila u shfaq në revistën “NatureTrusted Source”, mund të ndihmojë në zhvillimin e trajtimeve për krizën aktuale COVID-19, si dhe pandemitë e ardhshme të mundshme. Antitrupat janë mekanizmi mbrojtës i trupit të njeriut kundër substancave të panjohura si bakteret dhe viruset në gjak. Shkencëtarët gjithashtu mund të bëjnë antitrupa në një mjedis laboratorik. Tre terapi monoklonale të bazuara në antitrupa janë krijuar për të bllokuar lidhjen e SARS-CoV-2 me qelizat njerëzore. Ato janë:
- bamlanivimab plus etesevimab
- casirivimab plus imdevimab
- sotrovimab
Sipas William Schaffner, i cili është profesor i mjekësisë në Divizionin e Sëmundjeve Infektive në Shkollën e Mjekësisë të Universitetit Vanderbilt në Nashville tha se njerëzit që rezultojnë pozitivë për SARS-CoV-2 dhe që janë në rrezik të përparojnë në sëmundje të rënda-përfshirë ata që janë mbi moshën 65 vjeç dhe ata që kanë sistemin imunitar të dobët duhet të flasin me një mjek për marrjen e trajtimit të antitrupave monoklonalë.
“Trajtimi i antitrupave monoklonalë është krijuar për të parandaluar evolucionin e infeksionit nga një infeksion i butë në një serioz. Me fjalë të tjera, ju sapo jeni infektuar me virusin, por ne tani mund t’ju japim një ilaç që do t’ju ndihmojë të parandaloni shtrimin në spital dhe të sëmureni rëndë” tha ai.
Sidoqoftë, disa antitrupa monoklonalë humbasin efektivitetin e tyre pasi viruset pësojnë mutacion.
Tani, një ekip i madh studiuesish që bashkëpunojnë ka treguar se SARS-CoV-2 ka të ngjarë të vazhdojë të evoluojë, duke bërë të mundur që virusi të anashkalojnë trajtimin. Për ato arsye, ata shkruajnë në studimin e tyre se ata donin të punonin drejt zhvillimit të antitrupave dhe vaksinave “që janë të fuqishme ndaj evolucionit të virusit”.
Për ta bërë këtë, studiuesit studiuan antitrupa anti-SARS-CoV-2 të izoluar nga individë që ishin prekur më parë nga SARS-CoV-2. Ata kërkuan çdo gjë që mund të jetë rezistente ndaj humbjes së efektivitetit të tyre pasi viruset ndryshojnë dhe punojnë kundër një sërë virusesh të frymëmarrjes. Studiuesit përdorën skanimin e thellë të ndryshimeve të virusit. Kjo është një teknikë e fundit që lejon shkencëtarët të vlerësojnë mijëra variante të mundshme gjenetike/MedicalNews/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
