.png)
Një studim i ri tregon se duhet që mjekët e përgjithshëm të ekzaminojnë gjenomin e pacientëve. Kështu do të vlerësojnë rrezikun e sëmundjeve si kanceri dhe sëmundjet e zemrës.
Studiuesit thonë se testet mund të dallojnë ndryshime gjenetike, që mund të kenë rëndësi për shëndetin.
Ata thonë se gjetjet mund të jenë “fillimi i një revolucioni” për kujdesin shëndetësor.
Një e katërta e njerëzve të përfshirë në studim kishin ndryshime gjenetike të mundshme. Sipas eksperteve kishin ndryshime që rrisin rrezikun e tyre për sëmundje të rënda.
Studiuesit zbuluan gjithashtu se gjashtë në 10 njerëz mbanin një mutacion të trashëguar në një gjen recesiv.
Kjo do të thotë se ata nuk do ta kenë vetë gjendjen, por mund të rrezikojnë t’ia kalojnë fëmijëve.
Udhëheqësi i studimit Ros Eeles, profesor i onkogjenetikës në Institutin e Kërkimit të Kancerit, tha se studimi është i pari që vlerëson nëse sekuenca e të gjithë gjenomit mund të kryhet nga mjekët e përgjithshëm.
“Kjo do të na ndihmojë për një të ardhme ku ekzaminimi gjenomik ofrohet në mënyrë rutinore për pacientët në kujdesin parësor”, shpjegon Eeles.
Gjetjet tona tregojnë se integrimi i sekuencës së gjenomit të plotë në kujdesin parësor mund të ndryshojë mënyrën se si shumica e pacientëve trajtojnë shëndetin e tyre.
Të dhënat janë paraqitur në takimin vjetor të Shoqatës Amerikane të Onkologjisë Klinike në Çikago.
Studimi përfshiu 102 njerëz të shëndetshëm nga Qendra e Gjenetikës në Londër
Studiuesit kërkuan 566 ndryshime gjenetike të veçanta të lidhura me sëmundjet. Ndër to përfshiheshin ndryshime në 84 gjene që lidhen me kancerin dhe 77 që lidhen me sëmundjet e zemrës.
Rreth 26 nga 102 pjesëmarrësit kishin variante gjenetike të mundshme. 61 kishin një gjen recesiv që mund t’u kalonte fëmijëve dhe 38 kishin ndryshime gjenetike të lidhura me përgjigjet specifike ndaj ilaçeve.
Sipas shkencëtarëve, marrja e këtyre ndryshimeve mund të ndryshojë mënyrën se si pacientët dhe familjet e tyre trajtohen nga mjekët.
Michael Sandberg, bashkë-autor tha ky studim po shtyn kufijtë e shqyrtimit gjenomik, duke treguar se është i realizueshëm si pjesë e kujdesit të mjekut të përgjithshëm dhe ka potencial për të përmirësuar ndjeshëm shëndetin e njerëzve.
Studimi po kërkon ndryshime të gjeneve të cilat nëse zbulohen do të ndikonin në zgjedhje për dikë, si përmirësime të stilit të jetesës, shqyrtime specifike dhe ndonjëherë trajtime të synuara.
Ai nuk do të raportojë për rrezikun e sëmundjeve për të cilat nuk mund të ndërmerret asnjë veprim.
Ekipi synon ta bëjë ekzaminimin gjenetik praktik dhe psikologjikisht të pranueshëm për njerëzit, duke ofruar staf të trajnuar posaçërisht për të ndihmuar me pasojat mjekësore dhe psikosociale të çdo gjetjeje gjenetike.
Studiuesit pranojnë se burimet e nevojshme mund të mos jenë lehtësisht të disponueshme. Por ata po kërkojnë mënyra për të thjeshtuar proceset për t’i bërë ato të përshtatshme.
Burimi:The Independnet/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje