Studimet kanë konfirmuar se nënvarianti BA.5, ka aftësinë të infektojë dhe ri infektojë pothuajse këdo. Për disa arsye, duke përfshirë mungesën e masave mbrojtëse, BA.5 tani mund të jetë e vështirë të mbahet nën kontroll.
Fuqia e BA.5 është aftësia e tij, për të infektuar dhe ri infektuar pothuajse këdo. Ky nën variant shumë ngjitës mund të shmangë imunitetin e krijuar nga njerëzit, qoftë nga vaksinimi apo nga një infeksion i mëparshëm.
Studimet laboratorike tregojnë se edhe njerëzit që kanë të ashtuquajturin ‘imunitet hibrid’, nga vaksinimi dhe një infeksion i mëparshëm me shtamin Omicron, nuk mund ta shmangin BA.5
Ekspertët besojnë se kjo është kryesisht për shkak të ndryshimeve në proteinat e virusit.
Vaksinat dhe përforcuesit aktualë të Covid-19 synojnë llojin origjinal të virusit dhe jo ndonjë nga variantet.
“Që kur BA.4 dhe BA.5 u shfaqën, ne kemi parë disa raste të riinfeksionit. Unë kam parë disa raste të riinfeksionit me njerëz që kishin një variant BA.2 në muajt e fundit”, tha Wesley Long, një patolog eksperimental në “Houston Methodist Hospital”.
Sipas studiuesve ka shumë shanse që të zhvillohen dhe mutacione të reja. Për më tepër, hulumtimi i fundit i botuar në revistën “Nature”, zbuloi se njerëzit që u riinfektuan nga Covid-19 kishin një rrezik më të lartë të shtrimit në spital dhe vdekjes.
Ata gjithashtu kishin më shumë gjasa të zhvillonin probleme shëndetësore, duke përfshirë problemet e mushkërive dhe zemrës, lodhjen, çrregullimet e tretjes dhe veshkave, diabetin dhe problemet neurologjike.
Më 30 qershor, Administrata Amerikane e Ushqimit dhe Barnave (FDA) tha se vaksinat e reja përforcuese për vjeshtën “duhet të synojnë BA.4 dhe BA.5”.
Por ndërsa kompanitë po zhvillojnë vaksina të reja për të adresuar në mënyrë specifike Omicron, kështu është ende e paqartë se sa efektive do të jenë ato në adresimin e nën-varianteve të tij.
Burimi:Il Messaggero/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
