Gazeta Si – Impiantet do të administrohen nga UEFA dhe nuk mund të mbajnë emrin e tyre, që është i lidhur me atë të sponsorit.
Stadiumet në Gjermani do të ndryshojnë emër gjatë Europianit 2024, që zhvillohet nga data 14 qershor deri më 14 korrik të vitit të ardhshëm. Shtypi gjerman shkruan se stadiumet me emër sponsori, gjatë kohës që do të administrohen nga UEFA gjatë turneut, duhet të kenë një emër të ri.
Kështu, ‘Allianz Arena’, shtëpia e Bajernit, do të bëhet ‘Munich Arena’, kurse ‘Signal Iduna Park’, tempulli i Borusia Dortmund, do të bëhet ‘BVB Stadion Dortmund’.
E njëjta gjë do të ndodhë edhe me 7 nga 8 qytetet që do të presin eventin. ‘Deutsche Bank Park’ i Eintrahtit të Frankurtit, gjatë Euro 2024 do të kthehet në ‘Frankfurt Arena’, kurse ‘Red Bull Arena’ e Lajpcigut, do të bëhet ‘Leipzig Stadium’. E kështu me radhë.
Do të mbajë emrin origjinal ‘Olympiastadion’, stadiumi historik i Berlinit, ku do të luhet edhe finalja e Europianit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
