Gazeta Si – Në Spanjë, dy persona kanë humbur jetën në zjarrin e madh që ka shkatërruar qytetin e Torrefetës, në Katalonjë, që nga pasditja e së martës. Viktimat u gjetën brenda perimetrit të flakëve, në komunën e Coscò-së, 20 km nga burimi i flakëve.
Zjarri, i nxitur nga erërat e forta dhe temperaturat e larta, ka djegur tashmë rreth 5,000 hektarë tokë bujqësore. 20,000 njerëz të mbyllur në shtëpitë e tyre.
Si masë paraprake, mbrojtja civile ka vendosur izolim në shtëpi, me dyer dhe dritare të mbyllura, për rreth 20,000 banorë të nëntë komunave katalanase të prekura nga tymi i dendur, i cili është përhapur deri në 300 km, duke krijuar një kolonë me diametër 14 km, një fenomen i paprecedentë në Katalonjë.
Megjithatë, gjatë natës, izolimi u hoq në shumicën e zonave të prekura. Përveç shpërthimit kryesor, një tjetër zjarr shpërtheu në të njëjtin rreth, në Sanauja, duke djegur rreth 40 hektarë bimësi.
Pavarësisht madhësisë së flakëve, zjarrfikësit kanë arritur të stabilizojnë frontin e zjarrit dhe po përqendrohen në izolimin e të gjithë perimetrit për të përjashtuar viktima të mëtejshme dhe për të parandaluar riaktivizimet, veçanërisht për shkak të valës së të nxehtit, me temperatura rekord afër 40 gradëve që vazhdojnë në disa rajone të Gadishullit Iberik.
Agjencia meteorologjike spanjolle, “Aemet” raportoi të martën qershorin më të nxehtë të regjistruar ndonjëherë, me një temperaturë mesatare prej 23.6 gradësh, 0.8 gradë më shumë se rekordi i mëparshëm i vendosur në vitin 2017.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
