Gazeta Si – Një gol i shënuar nga Olga Karmona në finalen ndaj Anglisë e ka shpallur Spanjën kampione bote në futboll femrash për herë të parë në histori. Ndeshja e luajtur në ‘Olympic Stadium’ të Sidneit ishte mjaft e luftuar, në fund festa ishte e gjitha për iberiket e drejtuara nga trajneri Vilda, pas fitores 1-0.
SPAIN ARE WORLD CHAMPIONS!!! 🇪🇸#BeyondGreatness | #FIFAWWC pic.twitter.com/x4liWtvgpN
— FIFA Women's World Cup (@FIFAWWC) August 20, 2023
Kur kishte kaluar gati gjysmë ore lojë, Karmona shfrytëzoi një aksion pa shumë pretendime nga e majta dhe e çoi topin në rrjetë me një goditje diagonale tokazi. Presioni më pas kaloi tek anglezet, në fushë u fut në pjesën e dytë edhe Xhejms, por Spanja u mbrojt shumë mirë.
Në minutën e 69-të spanjollet kishin shansin ta mbyllnin ndeshjen, por Hermoso gaboi nga pika e bardhë e penalltisë. Gjuajtja e saj u prit nga portierja angleze Hearps. Përpjekjet e Anglisë ishin të kota, loja e saj ishte konfuze dhe as 13 minutat shtesë nuk e ndryshuan rezultatin.
We have a new contender. 👀@7OlgaCarmona | #FIFAWWC https://t.co/V7s4mgW5f9 pic.twitter.com/RBmJdIYhy6
— FIFA Women's World Cup (@FIFAWWC) August 20, 2023
Spanja ka fituar kështu për herë të parë në historinë e saj trofeun më të rëndësishëm në futboll për femra, Kupën e Botës. Dëshpërim dhe lot në kampin anglez për humbjen në finale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
