.png)
Gazeta Si - Edhe pse me pak vështirësi, Spanja ka triumfuar ndaj Gjeorgjisë në Këln teksa fitoi me shifrat 4-1, ku në çerekfinale të Europianit do të presë Gjermaninë në 5 korrik.
"La Roja" e nisi vrullshëm ndeshjen, por në një kundërsulm në minutën e 18-të, autogoli i Le Normand i dha shpresë gjeorgjianëve.
Nga ky moment, Spanja nisi të shfaqej edhe më agresive dhe ia doli të barazonte pa u mbyllur pjesa e parë me anë të Rodrit, që gjeti cepin e portës së Mamardashvilit me një goditje të bukur.
Në pjesën e dytë, nuk kishte shumë diskutime, pasi skuadra e De La Fuentes dominoi totalisht duke shënuar edhe tre gola të tjerë.
Goli i përmbysjes u shënua nga Fabian Ruiz, ndërsa për ta bërë edhe më të bukur festën e spanjollëve mendoi Nico Williams dhe Dani Olmo.
Përfundimisht 4-1 për Spanjën me këta të fundit që sigurojnë vendin për në çerekfinale, aty ku më datë 5 korrik do të përballen me Gjermaninë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
