.png)
Kryeministri i Spanjës, Pedro Sanchez, tha se liderët europianë duhet të veprojnë për uljen e çmimit të naftës që të ndalojnë kthimin e Europës në një “peng” të Vladimir Putin.
Sanchez tha se një samit që do të nisë të martën e 22 marsit, synon stabilizimin e këtyre çmimeve përfshirë naftën për qytetarët e vet dhe reduktimin e varësisë nga Rusia.
“Nëse BE-ja nuk na ndihmon me mekanizma për të përballuar këtë emergjencë, do të jetë e vështirë jo vetëm për Spanjën, por për të gjithë vendet që t’i shmangen një dëmi gjigand ekonomik”, tha ai për FT.
Moska ka luftuar për të rritur çmimet e energjisë në Europë duke mbajtur rezerva të pakëta gazi si një politikë paralufte.
“Nëse industritë po ngadalësojnë prodhimin e tyre nuk është për shkak të kërkesës, por për shkak të rritjes së kostove të energjisë që janë të pamenaxhueshme”, – tha kryeministri spanjoll.
Komisioni Europian do të bëjë publik të mërkurën propozimet e anëtarëve për tu përballur me krizën energjitike.
Sanchez foli para se të nisej për në Bruksel. Ai po përballet me presion në shtëpinë e tij. Mijëra fermerë kanë dalë në protesta kundër rritjes së çmimit të energjisë.
Spanja është e ndjeshme për sa i përket energjisë elektrike sepse rreth një e treta e të gjitha familjeve paguajnë tarifa të lidhura me tarifat e tregut spot direkte nga bursa, që do të thotë se faturat kanë qenë të larta për muaj të tërë.
Lufta në Ukrainë ka komplikuar tentativat e Spanjës për tu rikuperuar nga dëmi ekonomik të shkaktuar nga pandemia. Spanja është një ndër përfitueset e fondit të BE-së, 24.6 mld euro, por ende nuk i janë disbursuar.
Burimi: Financial Times/ Gazeta “SI”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
