Aeroporti ndërkombëtar “Nënë Tereza” ka njoftuar heqjen e të gjitha kufizimeve për shqiptarët që duan të udhëtojnë drejt Spanjës.
Bëhet me dije se testi që vërteton se jeni negativ me COVID-19, nuk është i nevojshëm dhe asnjë vërtetim që jeni i vaksinuar.
“Ju duhen vetëm bileta, pasaporta dhe maska”, thuhet në njoftim. Faqja zyrtare e aeroportit ndërkombëtar “Nënë Tereza” sqaron gjithashtu se nëse në 14 ditët e fundit para se të niseni drejt Spanjës keni udhëtuar në vende të tjera dhe nuk keni qenë në Shqipëri, duhet kryer një test PCR i 48 orëve të fundit, vërtetim se keni bërë vaksina të aprovuara nga EMA ose OBSH, ose një vërtetim nga autoritetet shëndetësore që keni kaluar COVID-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
