.png)
Gazeta Si – SPAK ka marrë të pandehur për korrupsion Zyra Islamajn, e cila zëvendësoi përkohësisht Rexhë Byberin në krye të Bashkisë së Tropojës.
Sipas njoftimit, ndaj saj është ngritur akuzë zyrtare për korrupsion aktiv dhe pasiv lidhur me tenderin e ndërtimit të një ure në fshatin Luzhë.
Islamaj dyshohet se e ndërtoi urën për interesa personale me qëllim shërbimin e familjes së motrës së saj. Edhe tenderi për ndërtimin e urës u fitua nga kunati i saj, Rrok Gega.
Sipas njoftimit zyrtar të SPAK-ut, Islamaj, është përpjekur të ndërhyjë tek Gega, ndërtues, për ngritjen e një ure mbi përroin që kalon pranë shtëpisë së motrës së saj. Po kështu, ajo ka planifikuar të angazhonte teknikun e mirëmbajtjes së rrugëve për të ndihmuar ndërtuesin.
Gega, ka pohuar se ngritja e kësaj ure, nuk ka qenë në procedurat e tenderimit, e do të ishte një dhuratë ndaj kryebashkiakes së Tropojës.
Rasti u denoncua nga Agim Demiraj, i cili më herët kishte shërbyer në detyrën e Teknikut të Mirëmbajtjes së Rrugëve në Bashkinë Tropojë.
Demiraj ishte larguar nga puna pasi nuk kishte pranuar të bashkëpunonte me kryebashkiaken e përkohshme për të ndërtuar urën që do t’i shërbente familjes së motrës së saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
