Gazeta Si – SPAK kërkon dënimin me 1 vit burg për ish-kandidatin për deputet të LSI-së në zgjedhjet parlamentare të 25 prillit, Etjon Joka.
Ai akuzohet për “korrupsion në zgjedhje”, pasi u filmua teksa jepte para në këmbim të shtitblerjes së votave.
Dënim me 1 vit burg u kërkua edhe për Elis Babon, personi që kishte kryer filmimin, i njëjti që pranoi para nga Joka.
Përmes avokatit, ish-kandidati për deputet deklaroi se gjithçka ka qenë e stisur nga kundërshtarët e tij politikë, si Alqi Bllako, ish-deputeti socialist i arrestuar për aferën e inceneratorëve.
I pandehuri tjetër, Elis Babo, nëpërmjet avokatit të tij pretendoi se e ka bërë filmimin për të denoncuar korrupsionin në zgjedhje, por edhe pse ishte në kushte të vështira ekonomike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
