.png)
Gazeta Si – SPAK ka kërkuar 12 vjet burg për Hekuran Markun, një nga ish-truprojat e ish-ministrit të Brendshëm, Saimir Tahiri.
Ish-oficeri akuzohet për trafik ndërkombëtar droge dhe grup kriminal, ndërsa pak ditë më parë Gjykata e Posaçme pranoi kërkesën e tij për gjykim të shkurtuar.
I shpallur në kërkim pas operacionit “Shpirti”, Hekuran Marku u arrestua në shtetin gjerman dhe u ekstradua drejt vendit tonë në prill të këtij viti.
Emri i Markut doli së bashku me atë të ish-truprojës tjetër të Tahirit, Agustin Deda.
Ky i fundit është i lirë në Francë, pasi ka kërkuar azil politik dhe autoritetet atje janë duke shqyrtuar kërkesën e tij.
Marku dhe Deda akuzohen si të përfshirë në ‘skemën’ e trafikut ndërkombëtar të kanabisit të drejtuar nga Ilirjan Duçellari.
Sipas SPAK, 2 truprojat kanë bashkëpunuar edhe me 4 italianë dhe një shqiptar për të trafikuar rreth 1 ton kanabis drejt Italisë.
Kjo sasi droge u sekuestrua më pas në Bari ku u vendosën në pranga 2 persona. Në dosje thuhet se Marku dhe Deda kishin kultivuar drogën në disa parcela në Tepelenë dhe ishin kujdesur për transportin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
