Gazeta Si- Prokuroria e Posaçme dërguar për gjykim dosjen për kreun e grupit kriminal të trafikut të drogës në Francë, Zabit (alias Artur) Fisniku, si edhe për dy pjesëtarët e tjerë të bandës, Redian (alias Refik) Doda dhe Fabi Isaku.
Ata akuzohen si pjesë e një grupi të strukturuar kriminal, të akuzuar për trafik droge në Francë, organizatë dhe grup të strukturuar kriminal.
Përveç të pandehurve, bashkëpunëtorët e tjerë të grupit janë proceduar dhe gjykuar në Francë, pasi kanë pasur rolin e ndihmësve.
“Gjatë periudhës gusht-dhjetor të vitit 2022, autoritetet franceze të drejtësisë kanë filluar një hetim në qarkun e Albertville, lidhur me veprimet e një grupi të organizuar kriminal, i cili është marrë me trafikun e drogës”, thuhet në dosje.
Ky grup ishte vendosur në Lion dhe furnizonte grupet e shitjes që ndodheshin në qarkun e Savojës. Juridiksioni i Lionit ka marrë përsipër dosjen dhe ka hapur një hetim gjyqësor, drejtimi i të cilit i është besuar Seksionit të Kërkimeve të Lionit.
SPAK sqaron se ‘nga hetimet e përbashkëta është bërë e mundur identifikimi dhe procedimi në Francë dhe në Shqipëri i 19 personave (shtetas shqiptarë dhe të huaj), të cilët ishin të përfshirë në aktivitetin e paligjshëm kriminal në fushën e narkotikëve’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
